بالی وڈ کے اسٹار امیتابھ بچن شوٹنگ کے دوران بُری طرح زخمی

بالی وڈ کے میگا اسٹار امیتابھ بچن اپنے مشہور شو ’کون بنے گا کروڑ پتی‘ کی شوٹنگ کے دوران بُری طرح زخمی ہوگئے۔میڈیا رپورٹس کے مطابق امیتابھ بچن نے اپنے بلاگ میں لکھا کہ ’کون بنے گا کروڑ پتی‘ کے سیٹ پر تیز دھار چیز بائیں ہاتھ پر لگنے سے نس کٹ گئی۔امیتابھ بچن نے بتایا کہ نس کے کٹنے پر خون بہنا شروع ہوگیا، مجھے فوری طور پر ڈاکٹر کے پاس لے جایا گیا جہاں زخمی کی مرہم پٹی کی گئی، میرا بروقت علاج سیٹ پر موجود ٹیم کی مدد سے مکمل ہو پایا۔بلاگ میں انہوں نے یہ بھی بتایا کہ ڈاکٹروں نے مجھے مکمل آرام کرنے اور ٹریڈ مل پر نہ چلنے کی ہدایت کر دی ہے۔