ڈیجیٹل ورلڈ میں برق رفتاری سے ہو رہی تبدیلیاں

اس دور کا انسان بھی کتنا کنگال ہے- دولت ساری بینکوں ؛ محبت، خوشی اور غم کا احساس سارا موبائل کو دے بیٹھا ہے- نہ کھانوں کی مہک اصلی ہے نہ لذت – اب تو کھیل بھی میدانوں سے نکل کر موبائل کے اندر گیم بن کر ہاتھوں کی انگلیوں تک محدود ہو چکے-ہم کبھی کھانا لذّت کے لئے کھاتے تھے، تفریح بھی اپنی خوشی کے لئے ہوتی تھی- ان خوشیوں کو سیلفیاں کھا گئیں- دنیا کی آٹھ ارب آبادی میں اوسط بیس بائیس کروڑ ہر وقت سیلفیاں بنا کر آن ایئر کر رہے ہیں-
فاسٹ ٹریک میوزک کے ایک گانے پر تحیقیق کے دوران پتا چلا کہ اس گانے کے تیس ھزار جعلی ورژن مارکیٹ میں موجود ہیں-
آرٹیفیشیل اینٹیلیجنس کی مدد سے منٹوں میں ویڈیو، تصویروں، الفاظ ، فقروں، آواز میں تبدیلی کر کے آن ایئر کر دیا جاتا ہے-
کرکٹ، فٹ بال اور دوسرے کھیلوں کی براہ راست کوریج کے سینکڑوں جعلی ورژن animated کریکٹر کی مدد چلا ئے جا رہے ہیں-
وٹس ایپ چینلز، ٹویٹر سپیسز، وی لاگ ، ایک طوفان ہے انفارمیشن کا جو کہ ہر بندہ اپنے ہاتھ میں لئے گھوم رھا ہے-

لیکن ڈیجیٹل ٹیکنالوجی کے ماھرین کی زیر نگرانی اس کے صیح استعمال سے netflix, nike, Starbucks دنیا کی صف اوّل کی کمپنیاں بن کر ابھری ہیں- نیٹ فلیکس اس وقت 130 ارب ڈالر کی entertainment کی دنیا کی مقبول ترین کمپنی ہے- nike نے SNKRS کے بہترین استعمال سے اپنی سیل کو 100%بڑھا لیا ہے- Starbucks کے 32000 سٹورز دنیا کے 80 ممالک میں کامیاب کاروبار کر رھے ہیں –
ڈیجیٹل ٹیکنالوجی کو بروقت استعمال نہ کر سکنے کی وجہ سے دنیا کی درجنوں معروف کمپنیاں کوڈک، بلاک بسٹر، کوئیک سٹر، ویلز فارگو مکمل طور پر تباہ ہو چکی ہیں-
دنیا میں اس وقت 100 سے زائد علاقائی جنگیں یا دوسرے معرکے جاری ہیں جن کو بڑی طاقتوں کی براہ راست یا بلواسطہ حمایت حاصل ہے- ان سب واقعات یا جنگ وجدل کی سوشل میڈیا پر جگہ لینے کے لئے جدو جہد جاری ہے-
اصل content کو اربوں Bits ڈیٹا کے اندر سے ڈھونڈنا ایک انتہائی مشکل مرحلہ بن چکا ہے- اسی طرح اپنے content کو صیح جگہ پہنچانا ایک کٹھن کام ہے- سوشل میڈیا پر ڈیجیٹل مارکیٹینگ ہر لمحہ تبدیل ہو رہی ھے- یہ ایک انتہائی پیچیدہ کام ہوتا جا رہا ہے-
جدید ڈیجیٹل ورلڈ کے ساتھ آگے بڑھنا مجبوری ہے کیونکہ اس کے بغیر چارہ نہیں-