پی ایس ایل سیزن 8: سابق ویسٹ انڈین کپتان ڈیرن سیمی پشاور زلمی کے ہیڈ کوچ مقرر

پاکستان سپر لیگ(پی ایس ایل) سیزن 8 کے لیے سابق ویسٹ انڈین کپتان ڈیرن سیمی پشاور زلمی کے ہیڈ کوچ مقرر ہو گئے۔ڈیرن سیمی گزشتہ سیزن میں اپنی مصروفیت کی وجہ سے دستیاب نہیں تھے۔اس ضمن میں چیئرمین پشاورزلمی جاوید آفریدی نے کہا ہے کہ ڈیرن سیمی کو ایک بار پھر پشاور زلمی فیملی میں خوش آمدید کہتے ہیں۔انہوں نے کہا کہ بطور سابق کپتان اور ہیڈکوچ ڈیرن سیمی ہمیشہ پشاور زلمی کا اہم ترین حصہ رہے ہیں ، پاکستان میں انٹرنیشنل کرکٹ کی بحالی میں بھی ڈیرن سیمی کا کردار ناقابل فراموش ہے۔نئی ذمہ داری ملنے پر ڈیرن سیمی کا کہنا تھا کہ پشاور زلمی کے ساتھ جڑنے پر ایک بار پھر خوشی محسوس کررہا ہوں ،زلمی میری فیملی ہے اور پی ایس ایل 8 کیلئےپرجوش ہوں۔