عاطف اسلم کے گیت مون رائز کا ٹیزر جاری
پاکستان کے نامور گلوکار عاطف اسلم کے گیت مون رائز کا ٹیزر جاری ہوگیا۔تفصیلات کے مطابق عاطف اسلم کے نئے گانے مون رائز کا ٹیزر سوشل میڈیا پر جاری ہوتے ہی مقبول ہوگیا۔گانے کی ویڈیو میں عاطف اسلم کے ہمراہ ہالی ووڈ اداکارہ ایمی جیکسن کو بھی دیکھا جاسکتا ہے۔عاطف اسلم کے اخری گانے اجنبی کی ویڈیو میں اداکارہ ماہرہ خان نے اپنے جلوے بکھیرے تھے۔مون رائز گانے کو عدنان قاضی کی ہدایت کاری میں تیار کیا گیا ہے جسے 27 اکتوبر کو ریلیز کیا جائے گا۔عدنان قاضی نے بلال سعید، فرحان سعید، آئمہ بیگ اور جنید خان کی میوزک ویڈیوز بھی ڈائریکٹ کی ہیں۔