وزیر اعظم کے کرکٹ کے اعداد و شمار پر مبنی ٹوئٹ پر بابر اعظم نے کیا کہا؟

ی ٹوئنٹی ورلڈ کپ کے فائنل سے ایک دن قبل میلبرن میں پریس کانفرنس کے دوران بھارتی صحافی نے پاکستان کرکٹ ٹیم کے کپتان بابر اعظم سے وزیر اعظم شہباز شریف کی ٹوئٹ سے متعلق سوال پوچھ لیا۔بھارتی صحافی نے بابراعظم سے کہا کہ آپ کے ملک کے وزیر اعظم شہباز شریف نےسیمی فائنل میں بھارت کی شکست پر 152 او ر 170 سے متعلق ٹوئٹ کیا۔بھارتی صحافی نے بابر اعظم سے سوال کیا کہ وزیراعظم کے ٹوئٹ سے کیا دباؤ بڑھتا ہے ۔بابر اعظم نے جواب میں معذرت کرتے ہوئے کہا کہ میں نےیہ ٹوئٹ نہیں دیکھی، مجھے اس چیز کا علم نہیں۔انہوں نے مزید کہا کہ دباؤ تو ایسا کچھ نہیں ہے، کوشش یہی ہوتی ہے مخالف ٹیم کے خلاف بہترین کارکردگی دیں اور اچھی کرکٹ کھیلیں۔