بھارت:لو کیلئے کچھ بھی کریگا، خاتون ٹیچر نے طالبہ سے شادی کیلئے جنس تبدیل کروالی
بھارت کی ریاست راجستھان میں خاتون ٹیچر نے اپنی طالبہ سے شادی کیلئے جنس تبدیل کروالی۔ ریاست راجستھان کے ضلع بھارت پور میں بطور فزیکل انسٹرکٹر کام کرنیوالی مِیرا کنتل نامی خاتون نے ایک طالبہ سے شادی کرنے کیلئے اپنی جنس تبدیل کروا لی ہے۔
میڈیا رپورٹس کے مطابق راجستھان کی میرا جنسی تبدیل کروا کر آروو کنتل بن گئیں، وہ اب مرد کی حیثیت سے پہچانی جاتی ہیں اور اپنی طالبہ سے شادی بھی کرچکی ہیں۔آروو کنتل فزیکل انسٹرکٹر تھیں، اس دوران انہیں اپنی شاگرد کلپنا فوزدار سے پیار ہوگیا اور ان سے شادی کی خاطر میرا (آروو کنتل) نے آپریشن کے ذریعے جنس تبدیل کروالی اور بطور مرد کلپنا سے شادی کرلی۔آروو کنتل کا کہنا ہے کہ پیار میں ہر چیز جائز ہے، اس وجہ سے میں نے اپنی جنس تبدیل کروائی، میں لڑکی پیدا ہوئی تھی لیکن میں ہمیشہ لڑکا بننا چاہتی تھی، اسی سلسلے میں، میں نے پہلی بار دسمبر 2019ء میں پہلا آپریشن کروایا تھا