سعودی وزیر داخلہ اہم دورے پر آج پاکستان پہنچ رہے ہیں

سعودی وزیرداخلہ شہزادہ عبدالعزیز اہم دورے پر آج پاکستان پہنچ رہے ہیں ، دورے کے دوران سعودی جیلوں میں قید پاکستانیوں سے متعلق فیصلے ہوں گے۔تفصیلات کے مطابق سعودی وزیرداخلہ شہزادہ عبدالعزیز آج پاکستان پہنچیں گے ، سعودی وزیر داخلہ پاکستانی ہم منصب شیخ رشید کی خصوصی دعوت پر پاکستان کا دورہ کررہے ہیں۔دورے کے دوران سعودی وزیرداخلہ وفاقی وزیر داخلہ شیخ رشید سے ملاقات کریں گے، جس میں سعودی جیلوں میں قید پاکستانیوں سے متعلق تبادلہ خیال کیا جائے گا اور کورونا کے باعث پیدا ہونے والی صورت حال اور سفری پابندیوں میں نرمی پر بھی بات ہوگی۔ملاقات میں سعودی جیلوں میں قید پاکستانیوں سے متعلق اہم فیصلے متوقع ہیں۔سعودی وزیر داخلہ دورے کے دوران صدرمملکت عارف علوی ، وزیراعظم عمران خان ، اہم حکومتی اور سیکیورٹی شخصیات سے ملاقاتیں کریں گے۔