۹۲ سالہ روپرٹ مردوک کی پانچوی شادی
میڈیا ٹائیکون روپرٹ مرڈوک روس سے تعلق رکھنے والی اپنی سرسٹھ سالہ گرل فرینڈ سے اس سال شادی کریں گے۔
ایلینا زوکووا پیشے کے لحاظ سے مالیکیولر بائیولوجسٹ ہیں۔
دونوں کی شادی رواں برس امریکی ریاست کیلیفورنیا میں واقع روپرٹ مرڈوک کے موراگا وائن یارڈ میں ہو گی۔ یہ 92 سالہ روپرٹ مرڈوک کی پانچویں شادی ہو گی۔
روپرٹ مرڈوک کی سابق اہلیاؤں کی فہرست میں آسٹریلین فلائٹ اٹینڈنٹ پیٹریشیا بوکر، صحافی اینا مان، ونڈی ڈینگ اور امریکی ماڈل اور اداکارہ جیری ہال شامل ہیں۔
روپرٹ مرڈوک نے اپنے کیریئر کا آغاز 1950 کی دہائی میں آسٹریلیا میں کیا تھا اور 1969 میں انھوں نے برطانیہ میں ’نیوز آف دی ورلڈ‘ اور ’دا سن‘ اخبار خرید لیے تھے۔
سنہ 1996 میں انھوں نے ’فاکس نیوز‘ کی بنیاد رکھی جو آج امریکہ میں سب سے زیادہ دیکھے جانے والا نیوز چینل ہے۔