سارو گنگولی کا ایشیا کپ متحدہ عرب امارات میں منعقد کروانے کا اعلان
دبئی(نیوز ڈیسک) بھارتی کرکٹ بورڈ کے سربراہ سارو گنگولی نے ایشیا کپ 2022 متحدہ عرب امارات میں منعقد کروانے کا اعلان کردیا۔رپورٹس کے مطابق سری لنکا نے ملک میں جاری معاشی و سیاسی بحران کے پیش نظر ایشیا کپ 2022 کی میزبانی کرنے سے معذرت کی تھی۔بھارتی کرکٹ بورڈ کے صدر سارو گنگولی نے اعلان کیا ہے کہ رواں سال شیڈول ٹورنامنٹ متحدہ عرب امارات میں کھیلا جائے گا۔بھارتی کرکٹ بورڈ کے سربراہ سارو گنگولی نے ایشین کرکٹ کونسل کے حتمی فیصلے سے پہلے ہی ٹور نامنٹ منتقلی اعلان کر دیا۔یاد رہے کہ گزشتہ برس بھی بھارتی بورڈ نے ایشیا کرکٹ کپ ملتوی ہونے کا پہلے ہی اعلان کر دیا تھا۔