ایک اور قدم آگے، وفاقی حکومت نے 19 رکنی صنعتی مشاورتی کونسل تشکیل دے دی۔

نگراں وفاقی وزیر صنعت و پیداوار گوہر اعجاز انڈسٹریل ایڈوائزری کونسل کے چیئرمین مقرر ۔

جاری کردہ نوٹیفکیشن کے مطابق انڈسٹریل ایڈوائزری کونسل میں نجی شعبے سے 12 ارکان جبکہ 6 سرکاری اراکین بھی شامل ہوں گے۔

کونسل میں نجی شعبے سے عامر فیاض شیخ، وقار احمد ملک، عبد الصمد داؤد، احسن ،محمد علی ٹبہ، فواد احمد مختار، رضا منشا، بشیر اور سمیر چنائے شامل ہیں۔

کونسل میں تمام صوبائی چیف سیکریٹریز بشمول چیف سیکریٹری آزاد کشمیر و گلگت بلتستان بھی شامل ہوں گے۔

سیکریٹری خزانہ، سیکریٹری تجارت، سیکریٹری صنعت و پیداوار، چیئرمین ایف بی آر اور جوائنٹ سیکرٹری صعنت و پیداوار بھی ارکان میں شامل ہوں گے۔

حکومتی ذرائع کا کہنا ہے کہ پائیدار ملکی معاشی ترقی کے لیے جاندار صنعتی پالیسی تشکیل دی جائے گی، مقصد صنعتوں کو 100 فیصد پیداواری صلاحیت پر چلانا ہے، انڈسٹریل ایڈوائزری کونسل میں ملک کے نامور صنعتکاروں کو شامل کیا گیا ہے، کونسل کی رپورٹ کی روشنی میں پالیسی کو حتمی شکل دی جائے گی۔