سٹیٹ بینک نے پاکستان کے بیرونی اور اندرونی قرضوںکی تفصیلات جاری کر دیں
کراچی (جنگ نیوز)اسٹیٹ بینک نے وفاقی حکومت کے قرض کی تفصیلات جاری کر دیں۔ اعدادو شمار کے مطابق حکومت نے جولائی سے ستمبر 2023 کے دوران 1450 ارب روپے قرض لیا۔تفصیلات میں بتایا گیا ہے کہ وفاقی حکومت کا قرض ستمبر 2023 تک 62 ہزار 291 ارب روپے رہا۔اسٹیٹ بینک کے مطابق ستمبر 2023 تک حکومت کا مقامی قرض 39 ہزار 697 ارب روپے جبکہ بیرونی قرض 22 ہزار 593 ارب روپے رہا۔اسٹیٹ بینک کے مطابق اکتوبر 2023میں بینکوں کے ڈپازٹس 79 ارب روپے بڑھے ،جس کے بعد بینکوں کے ڈپازٹس 26ہزار 397ارب روپے رہے