خسارہ 743؍ ارب روپے سے تجاوز پی آئی اے کو شدید مالی مشکلات۔
خسارے کا شکار پی آئی اے کی تنظیم نو کیلئے مالیاتی مشیر کی خدمات حاصل کرنے کی درخواستوں کے درمیان، پی آئی اے کو شدید مالی بحران کا سامنا ہے، اور اب ادارے کے پاس تمام واجبات کی ادائیگی کیلئے اپنے بنیادی کاروبار اور طبعی اثاثوں کو تقسیم کرنے کے علاوہ کوئی دوسرا راستہ نہیں بچا ۔
حکومت دو الگ الگ اداروں کے قیام پر غور کر رہی ہے ایک بنیادی سرگرمیوں کیلئے جبکہ دوسرا طبعی اثاثہ جات کی دیکھ بھال کیلئے جبکہ تمام بقایہ جات کی پارکنگ ایک ہولڈنگ کمپنی کے قیام کے ذریعے رکھی جائیں گی۔
پی آئی اے کا مجموعی خسارہ 743؍ ارب روپے سے تجاوز کر گیا جس کے باعث بہت سے اندرونی ذرائع کا کہنا ہے کہ ایف بی آر کو واجب الادا 50؍ ارب روپے کی ٹیکس واجبات اس مجموعی خسارے کی رقم میں شامل نہیں کی گئی