یوم پاکستان کے موقع پر پریڈ میں آذربائیجان اور چین کے فوجی دستے کی شمولیت
دونوں ممالک کے فوجی دستے پریڈ میں حصہ لینے کے لیے پہنچ گئے ، تاریخی تقریب میں شرکت کیلئے پرجوش جذبات کا اظہار ،،
23 مارچ کو یوم پاکستان کے موقع پر مسلح افواج کی خصوصی پریڈ کی تیاریاں پورے جوش و جذبے سے جاری ہیں، یوم پاکستان کی پریڈ میں آذربائیجان اور چین کے فوجی دستے بھی حصہ لینے کے لیے پہنچ چکے ہیں،آذربائیجان کے فوجی دستوں نے پرجوش انداز میں اپنے جذبات کا اظہار کیا ، آذربائیجان آرمی کے میجر مہران کرایوزوپاکستان ہمارا برادر ملک ہے اور ہمیں اس خاص موقع پر یہاں آکر ہمیشہ فخر محسوس ہوتا ہے، کل پہلی ریہرسل اچھی طرح سے مکمل ہونے کے بعد حوصلے بہت بلند ہیں، پریڈ کوارڈی نیٹرمیجر ریٹائرڈ طاہر سیف اللہ نے کہا کہ آج چینی فوج نے ہمیں جوائن کیا ہے اور یہ سب بہت قابل ہیں اس لیے ہمیں بہت خوشی ہے کہ چین اور آذربائیجان کی افواج بھی پریڈ میں حصہ لے رہی ہیں،،