پاکستان : کورونا کے 244 نئے کیسز رپورٹ, 6 مزید شہری جاں بحق

اسلام آباد: ملک بھر میں کورونا کے 244 نئے کیسز رپورٹ ہوئے ہیں جبکہ گزشتہ 24 گھنٹوں کے دوران وائرس کا شکار6 مزید شہری انتقال کر گئے۔این سی او سی کے جاری کردہ اعدادوشمار کے مطابق ملک بھر میں مجموعی طور پر 29 ہزار 625 ٹیسٹ کیے گئے جبکہ وائرس میں مبتلا 30 ہزار 355 افراد جان کی بازی ہار گئے۔ شرحِ اموات 0.82فیصد پر برقرار ہے۔

گزشتہ 24 گھنٹوں کے دوران پاکستان بھر میں 29 ہزار 625 ٹیسٹ کیے گئے جبکہ مثبت کیسز کا تناسب0.82 فیصد رہا۔ اب تک کیے گئے ٹیسٹس کی تعداد 2کروڑ 74 لاکھ 72 ہزار 570 ہو گئی جبکہ کورونا کے 439 مریض انتہائی نگہداشت میں ہیں۔

ملک بھر میں گزشتہ 24 گھنٹوں کے دوران کورونا کے 82مریضوں نے وائرس کو شکست دے دی .جس سے صحت یاب ہونے والوں کی کل تعداد 14 لاکھ 85 ہزار 691 ہو گئی۔ کورونا سے متاثر فعال کیسز 8 ہزار 835 ہو گئے ہیں۔