چین میں کوروناوائرس پھر سر اٹھانے لگا،کیسزمیں ریکارڈ اضافہ

چین میں سخت ترین اقدامات کے باوجود عالمی وبا کورونا وائرس کے کیسز میں ریکارڈ اضافہ ہوا ہے۔چین کے دارالحکومت بیجنگ اور جنوبی تجارتی مرکز گوانگ زو سمیت کئی بڑے شہر وباء کا سامنا کر رہے ہیں۔رپورٹ کے مطابق بدھ کو چین میں 31,527 کیسز ریکارڈ کیے گئے ہیں۔ سرکاری اعداد وشمار کے مطابق چین میں کورونا سے 5,200 سے زیادہ افراد ہلاک ہو چکے ہیں۔یہ چین میں ہر ملین میں تین کوویڈ اموات کے برابر ہے، جبکہ امریکہ میں 3,000 فی ملین اور برطانیہ میں 2,400 فی ملین اموات ہوئی تھیں۔