کترینہ کیف اپنے جم کے باہر کیمرہ مینوں پر برہم ہوگئیں

کیمرے نیچے رکھیں ہم یہاں ایکسرسائز کرنے آتے ہیں، اداکارہ

بالی وڈ کی مشہور اداکارہ کترینہ کیف اپنے جم کے باہر کیمرہ مینوں کو دیکھ کر ناراض ہو گئیں۔بھارتی میڈیا کے مطابق گزشتہ شب کترینہ کیف جم جانے کےلئے اپنی گاڑی سے اتر رہی تھیں کہ پاپارازی نے اپنے کیمرے ان کی طرف کر لئے۔اس واقعے کی سامنے آنے والی ویڈیو میں دیکھا جا سکتا ہے کہ کترینہ نے سب سے پہلے اپنی گاڑی کا دروازہ بند کرنے کی کوشش کی جب انہوں نے اپنے راستے میں کیمرے آتے دیکھے۔پاپارازی میں سے ایک اداکارہ کو رکنے کے لیے کہتا ہے تو وہ آگے سے جوابا انہیں اپنے کیمرے نیچے کرنے کو کہتی ہیں۔جب کترینہ کو احساس ہوتا ہے کہ وہ ابھی بھی کیمروں کے فریم میں ہیں تو وہ کہتی ہیں کہ آپ لوگ کیمرہ نیچے رکھو، ہم یہاں ایکسرسائز کرنے آئے ہیں۔اس کے بعد وہ غصے میں کیمروں سے دور چلی گئیں اور پاپارازی نے ان سے معافی مانگی۔