پولینڈ کی فٹ بال ٹیم کا جہاز ایف 16 طیاروں کے حصار میں قطر روانہ

فٹبال ٹیم کو بین الاقوامی سرحدوں تک پہنچنے تک دو ایف سولہ طیاروں کے ذریعے سکیورٹی فراہم کی گئی

یوکرین پر روسی جنگ کے نتیجے میں پولینڈ کو میزائل حملے کا سامنا کرنے کے بعد پولش فٹ بال ٹیم کو ورلڈ کپ میں شرکت کے لیے جس ہوائی جہاز میں روانہ کیا گیا اسے بین الاقوامی سرحدوں تک پہنچنے تک دو ایف سولہ طیاروں کے ذریعے سکیورٹی فراہم کی گئی تھی۔F-16 لڑاکا طیاروں نے منگل کی رات کو ہونے والے مہلک میزائل حملے کے بعد کل جمعرات کو 2022 ورلڈ کپ میں شرکت کے لیے قطر جانے والی پولینڈ کی قومی ٹیم کو اسکارٹ کیا۔

معلوم ہوا ہے کہ اس حملے میں پولینڈ کے دو شہری مارے گئے تھے جو کہ یوکرین کی سرحد سے چار میل کے فاصلے پر ملک کے مشرق میں گرا۔ روس اور یوکرین کے درمیان عدم کشی کی جنگ جاری ہے۔پولش حکام ابھی تک میزائل کے اصل ماخذ کا پتہ لگانے کی کوشش کر رہے ہیں۔ ابتدائی اشارے یوکرین کے فضائی دفاعی نظام کی طرف اشارہ کر رہے ہیں جو روسی بمباری کا مقابلہ کرنے کی کوشش کر رہا تھا۔ اس دعوے کی یوکرین نے تردید کی ہے۔میزائل حملے کے بعد پولینڈ کے پاس اپنی ٹیم کے تحفظ کے لیے کوئی چارہ نہیں بچا۔ کو ملک کی طرف سے جاری کردہ فوٹیج میں ایک مسافر طیارہ دکھایا گیا ہے جو اس کی قومی فٹ بال ٹیم کو لے کر جا رہا ہے۔ اس کو دو F-16 لڑاکا طیاروں نے گھیرے میں لے رکھا ہے۔”F-16 ہمیں پولینڈ کی جنوبی سرحدوں تک لے گئے!” یہ بات گذشتہ روز قومی ٹیم کے ٹوئٹر اکانٹ نے پوسٹ کی ہے۔ تین مختلف طیاروں سے لی گئی تصاویر شیئر کی گئیں۔لڑاکا طیارے مسافر بردار طیارے کے ساتھ متوازی اڑتے ہوئے نظر آتے ہیں، جو پولش قومی رنگ سرخ اور سفید میں سجا ہوا ہے۔مسافر طیارے کے سائیڈ پر "Republic of Poland” لکھا ہوا ہے۔ اس کا پچھلا بازو 1918-2018 تک پولینڈ کی تاریخی شخصیات کے پورٹریٹ سے مزین ہے۔پولش میں پیغام میں لکھا گیا: "پولینڈ کی آزادی کی بحالی کی صد سالہ تاریخ۔”ایک ویڈیو کلپ میں قومی ٹیم کو جہاز میں سوار ہونے سے قبل عملے کو الوداع کہتے ہوئے بھی دکھایا گیا۔ ہوائی جہاز کی کھڑکی سے لی گئی فوٹیج میں دو لڑاکا طیاروں کے مسافروں کوایک دوسرے کے قریب پرواز کرتے ہوئے دکھایا گیا ہے۔