روسی فوج کی یوکرین میں بمباری، میٹرنٹی اسپتال تباہ، درجنوں بچے زخمی

 3 ہزار سے زائد بچے بغیر خوراک اور ادویات متاثرہ علاقے میں محصور ہوکر رہ گئے

) روسی افواج کی یوکرین کے مشرقی شہر ماریوپول کے میٹرنٹی اسپتال پربمباری کے نتیجے میں معصوم بچے ملبے تلے دبے گئے جبکہ 3 ہزار سے زائد بچے بغیر خوراک اور ادویات متاثرہ علاقے میں محصور ہوکر رہ گئے ہیں۔ سماجی رابطے کی ویب سائٹ ٹوئٹر پر یوکرینی صدر ولادیمیر زیلنسکی نے میں اسپتال کی بری طرح سے تباہ شدہ عمارت کو دکھایا جبکہ انہوں نے ویڈیو شیئر کرتے ہوئے لکھا ہے کہ یہ ظلم ہے۔حملے سے کچھ گھنٹے قبل یوکرینی وزیر خارجہ نے خبردار کیا تھا کہ شہر میں 3000 بچے خوراک یا ادویات تک رسائی سے محروم ہیں۔ دوسری جانب روسی افواج نے مقبوضہ شہر خرسون سے 400 سے زائد افراد کو گرفتار بھی کرلیا ہے۔ عالمی ریسکیو تنظیم ریڈ کراس نے ماریوپول شہر کے حالات کو قیامت خیز قرار دیتے ہوئے کہا ہے کہ بندرگاہ سے متصل شہر میں گزشتہ 9 روز سے پانی اور بجلی منقطع ہے۔