روس یوکرین جنگ ،خام تیل کی قیمت میں مزید اضافہ

 برینٹ خام تیل 117 جبکہ ڈبلیو ٹی آئی خام تیل 114 ڈالر فی بیرل ہو گیا

روس یوکرین کشیدگی کے باعث  عالمی مارکیٹ میں خام تیل کی قیمت میں مزید اضافہ ہو گیا۔ٹریڈنگ کے دوران برینٹ خام تیل 117 ڈالر فی بیرل کی سطح عبور کر گیا جبکہ ڈبلیو ٹی آئی خام تیل 114 ڈالر فی بیرل سے اوپر پہنچ گیا ہے۔عالمی منڈی میں گیس کی قیمت بھی 5 ڈالر فی ایم ایم بی ٹی یو کی سطح کے قریب آگئی جبکہ دوران ٹریڈنگ گندم کی قیمت میں ایک بار پھر 5 فیصد اضافہ ہو گیا  ۔خیال رہے کہ روس کی جانب سے یوکرین پر حملے کے بعد سے عالمی منڈی میں تیل اور اجناس کی قیمتیں بہت تیزی سے اوپر جا رہی ہیں۔