موجودہ بحران کی وجہ ناقص پلاننگ اور آئی پی پیز کے گردشی قرضے ہیں- جماعت اسلامی  

جماعت اسلامی کی جاری کردہ آڈٹ رپورٹ کے مطابق بجلی کی قیمت کا تعین پوشیدہ مفادات اور سیاسی اثرو رسوخ کے تحت کیا گیا۔

بجلی کی پیداواری صلاحیت سات فیصد سالانہ کے مقابلے میں بجلی کی ڈیمانڈ میں پانچ فیصد سالانہ اضافہ ہواجبکہ فالتو بجلی کی کھپت کا کوئی انتظام نہیں  کیا گیا۔

بجلی کی لاگت کے مقابلے میں ادائیگیاں کپیسٹی پیمنٹ کی مد میں زیادہ کی گئیں جبکہ بجلی کی پیداوار کو منتقلکرنے اور ڈسٹری بیوشن کا نظام بھی ناکافی تھا۔

رپورٹ کے مطابق ٹرانسمیشن سسٹم 23 ہزار میگا واٹ کا لوڈ اٹھا سکتا ہے لیکن پیداواری صلاحیت 36 ہزار میگا واٹ تک بڑھائی گئی۔

امپورٹڈ فیول آئل پر بجلی پیدا کرنے کے پلانٹس پر زیادہ دارومدار رکھا گیا اور امپورٹڈ کوئلے سے بجلی بنانےکے فرسودہ طریقے والی ٹیکنالوجی پر انحصار کیا گیا۔