پیرس اولمپکس میں میڈلز کی دوڑ؛ جاپان سر فہرست  

 اولمپکس میں جاری مقابلوں میں  دوسرے روز  13 گولڈ میڈلز کا فیصلہ ہوا ،پوائنٹس ٹیبل پر جاپان چار گولڈ میڈلز کے ساتھ سرفہرست ہے۔ میڈلز ٹیبل پر اب تک 22 ممالک میڈل جیت چکے ہیں  ۔

جاپان 4 گولڈ،2 سلور  اور  1 برانز میڈل کے ساتھ پہلی پوزیشن پر ہے۔

 آسٹریلیا  4 گولڈ اور 2 سلور میڈلز لے کر   دوسری پوزیشن پر ہے۔

امریکا کے مجموعی میڈلز 12 ہیں لیکن گولڈ میڈلز کی تعداد 3 ہے جس کی وجہ سے وہ تیسرے نمبر پر ہے،امریکی ایتھلیٹس نے 6 سلور اور 3 برانز میڈلز بھی حاصل کئِے۔

فرانس کے 3 گولڈ، 3 سلور اور 2 برانز میڈلز ہیں جبکہ کوریا نے 3 گولڈ، 2 سلور اور 1 برانز میڈل لیا۔

میڈلز ٹیبل پر  چین نے اب تک 3 گولڈ میڈل کے علاوہ 1 سلور اور 2 برانز میڈلز جیت لیے، اٹلی نے 1 گولڈ، 2 سلور اور 3 برانز، قازقستان نے 1 گولڈ 2 برانز، جبکہ بیلجیم نے 1 گولڈ اور 1 برانز میڈل جیتا ہے۔

 جرمنی، ہانگ کانگ اور ازبکستان نے 1، 1 گولڈ میڈل جیتا  جبکہ برطانیہ نے 2 سلور ، 2 برانز، برازیل نے1 سلور ، 2 برانز جبکہ کینیڈا نے 1 سلور اور 1 برانز میڈل جیتا ہے۔ 

فجی، کوسوو، منگولیہ، پولینڈ اور تیونس نے 1-1 سلور میڈل جیتا، سوئیڈین نے 2 برانز میڈلز حاصل کئے جبکہمصر، اسپین، ہنگری، انڈیا میکسیکو، مولدووا، اور جنوبی افریقا نے ایک، ایک برانز میڈل جیتا ہے۔

 شوٹنگ میں آج چین اور کوریا کے ایتھلیٹس چھائے رہے جبکہ کراس کنٹری ماونٹین بائیک میں فرانس کو طلائیتمغہ ملا۔

 چین کے زی یو نے مردوں کے 10 میٹر ائیرپسٹل شوٹنگ میں گولڈ میڈل جیتا، یہ ان مقابلوں میں چین کا تیسراگولڈ میڈل تھا، اٹلی کے فیدریکو مالدینی نے سلور اور اٹلی ہی کے پاولو مونا نے برانز میڈل جیتا۔

 ۔