پیرس اولمپکس کی منفرد افتتاحی تقریب دریائے سین کے کنارے اور اندر ہو گی
پیرس اولمپکس کی افتتاحی تقریب سٹیڈیم میں نہیں بلکہ فرانس کے مشہور دریائے سین کے ساتھ چھکلومیٹر طویل راستے پر منعقد ہو گی۔ یہ سفر آسٹرلٹز پل پل سے شروع ہو کر ایفل ٹاور کے زیرِ سایہٹروکیڈیرو میں باغات، فواروں اور محلات کے درمیان ختم ہوگا۔
اولمپک پریڈ میں 100 کشتیاں شامل ہوں گی جن پر دس ہزار سے زیادہ ایتھلیٹس کے علاوہ اہم عالمیشخصیات سوار ہوں گی اور یہ کشتیاں پیرس کے مشہور مقامات بشمول نوٹری ڈیم کیتھیڈرل اور پونٹ نیوفکے قریب سے گزریں گی۔
کشتیاں نہ صرف پریڈ میں شامل کھلاڑیوں کو لے جانے میں استعمال کی جائیں گی بلکہ افتتاحی تقریب کے اسفنکارانہ حصے میں بھی کام آئیں گی جہاں پیرس اور فرانس کی تاریخ اور ثقافت کی نمائش ہو گی۔
ایک غیر ملکی نشریاتی ادارے سے بات کرتے ہوئے تقریب کے آرٹسٹک ڈائریکٹر، فرانسیسی اداکار اور تھیٹرڈائریکٹر تھامس جولی کا کہنا ہے کہ ’میں فرانس کو اس کے تمام تنوع میں دکھانا چاہوں گا۔‘
تقریب کا افتتاح فرانس کے صدر ایمانوئل میکرون کریں گے جبکہ اولمپک مشعل بھی روشن کی جائے گی۔