دو دنیائیں : انتہاء کی دولت اور انتہاء کی غربت بالکل ساتھ ساتھ
قصہ ایک بھارتی شادی کا شادی کا
اننت امبانی کی شادی تو ابھی تقریبا آخری لمحات میں ہے- اس شادی کو پانچ ماہ لگے اور بھارتی اخبارات اور میڈیا کی رپوٹوں کے مطابق اس شادی پر لگ بھگ 5000 کروڑ روپے خرچ ہوئے- یا شاید اس سے بھی کہیں زیادہ- یہ شادی طبقات میں بھٹے بھارتی سماج کے دوہرے تہرے معیار کو عیّاں کرتی ہے-
مکیش امبانی 120 بلین ڈالر کے مالک اور Reliance گروپ کے مال ہیں- جام نگر سے ھوتی ہوئی یہ شادی اٹلی کے جزیروں تک گئی- اختتام ممبئی میں ہوا –
بی بی بی سی کی دسمبر 2023 کی ایک رپورٹ کے مطابق گذشتہ جولائی میں اقوام متحدہ کی جانب سے جاریکی گئی ایک رپورٹ میں بتایا گیا ہے کہ انڈیا نے 2006 سے 2021 تک 15 برس کی مدت میں 41 کروڑافراد کو غربت کی لکیر سے اوپر لانے میں کامیابی حاصل کی ہے۔
لیکن ان اعداد و شمار کے درمیان تصویر کا ایک دوسرا رخ بھی ہے۔ کئی رپورٹس میں بتایا گیا ہے کہ انڈیامیں اقتصادی ترقی کے ساتھ ساتھ امیری اور غریبی کی خلیچ وسیع ہوتی جا رہی ہے اور دولت کی تقسیمایک مراعات یافتہ طبقے تک محدود ہو رہی ہے۔
اس سال اپریل میں بین الاقوامی ادارے آکسفیم نے انڈیا میں نابراری پر ایک رپورٹ جاری کی تھی جسمیں کہا گیا تھا کہ ملک کے پانچ فیصد لوگوں کا پورے ملک کی 60 فیصد دولت پر قبضہ ہے۔
اس میں مزید کہا گیا تھا کہ 2012 سے 2021 تک دس برس کی مدت میں جو دولت بنائی گئی اس کا 40 فیصد حصہ آبادی کے صرف ایک فیصد افراد کے حصے میں گیا۔
رپورٹ کے مطابق انڈیا میں 2020 میں 102 ارب پتی تھے۔ یہ تعداد 2022 میں بڑھ کر 166 ہو گئیتھی۔ آکسفیم کی اس رپورٹ میں کہا گیا کہ پوری دنیا میں سب سے زیادہ غریب انڈیا میں بستے ہیں جن کیتعداد تقریبآ 23 کروڑ بتائی گئی تھی۔ سب سے زیادہ غربت دلیت اورپسماندہ ذاتوں میں ہے۔
ملک کی افتصادی ترقی اور مستقبل کے سنہری امکانات کے دعوؤں کے درمیان گذشتہ مہینے ملک کی شمالیریاست بہار میں تمام مخالفتوں کے باوجود ذات پات کی بنیاد پر ایک ریاست گیر سروے منعقد کیا گیا۔ سنہ1931 کے بعد یہ اس نوعیت کا پہلا سروے تھا۔
اس میں ان پہلوؤں کے قطعی اعداد و شمار حاصل کیے گئے کہ آبادی میں کسی ذات کے لوگوں کی کتنی آبادیہے۔ ان کی تعلیمی حیثیت کیا ہے، سرکاری اور پرائیویٹ اداروں میں ان کی ملازمت کا تناسب کیا ہے۔لوگوں کی آمدن کتنی ہے اور غربت کی لکیر کیا ہے اور سب سے زیادہ غریب کون لوگ ہیں۔
ریاستی اسمبلی میں پیش کی گئی اس رپورٹ میں جو اعداد و شمار سامنے آئے ہیں وہ بہت چونکا دینے والےہيں۔ اس میں پایا گیا کہ بہار کی 13 کروڑ کی ایک تہائی آبادی غربت میں زندگی گزار رہی ہے۔
غربت کی سطح کا اندازہ اس سے لگایا جا سکتا ہے کہ یہ لو گ چھ ہزار روپے ماہانہ سے کم میں زندگی گزاررہے ہیں۔
ریاست میں دلیتوں اور پسماندہ طبقوں کی آبادی تقریباً 85 فیصد ہے اور اعلیٰ ذات کے لوگ محض 15 فیصد ہیں۔ سروے کے مطابق دلتوں کی 42 فیصد اور پسماندہ طبقوں کی 34 فیصد آبدی غربت میں زندگیبسر کر رہی ہے۔
بیشتر افلاس زدہ لوگوں کے لیے یہاں زندگی محض زندہ رہنے کی جدوجہد ہے۔
دارالحکومت پٹنہ سے محض ڈیڑھ سو کلومیٹر دور نالندہ ضلع کی کسم دیوی کا تعلق دلتوں کی ’مسہر‘ برادری سےہے۔
یہ ریاست کے غریب ترین لوگ ہیں۔ کسُم دو بچوں کی ماں ہیں انھوں نے بی بی سی سے بات کرتےہوئے بتایا کہ وہ اور ان کے شوہر کھیتوں میں مزدوری کرتے ہیں۔ ’کماتے ہیں تو کھاتے ہیں، مہینے میں تینہزار، چار ہزار روپے کما لیتے ہیں۔
’سرکار پانچ کلو چاول دیتی ہے اسی میں زندگی چلتی ہے۔ کھیتی میں کام ہمیشہ نہیں ملتا کبھی دس دن کبھی12 دن ایسے ہی کمائی ہوتی ہے۔ مزدوری کرتے ہیں اسی میں خوش رہتے ہیں۔‘
لال دیو رام دلت ہیں۔ ان کی بیوی ویشالی ضلع کے ایک گاؤں کی سرپنچ ہیں۔ وہ خود ایک مقامی سیاسیرہنما ہیں۔ ان کے گاؤں کے اطراف میں دلتوں اور پسماندہ طبقوں کی گھنی آبادی ہے۔
وہ کہتے ہیں کہ ’انتظامیہ ان گاؤں کے نزدیک سڑک اور راستے نہیں بناتی۔ ان کی سوچ یہی ہے کہ اگر یہاںسڑک اور راستہ نہیں بنے گا تو یہاں کے بچے تعلیم نہیں حاصل کر سکیں گے۔
’کم پیسے پر مزدوری کریں گے، ہمیشہ غریب رہیں گے، سماجی دباؤ میں رہیں گے اور استحصال کا شکار رہیںگے۔ یہاں دور دور تک ہماری برادری میں ایک بھی آدمی سرکاری ملازمت میں نہیں ہے۔‘