قومی پرچم سیدھا لہرایا جائے
مکرمی! قومی پرچم کو جب لہرایا جاتا ہے تو اس پر بنے چاند ستارے کا رخ اوپری دائیں جانب ہوتا ہے مگر جب اس کو الٹا لہرایا جائے تو چاند ستارے کا رخ نچلی جانب ہوجاتا ہے۔ ایسے ہی اگست میں جو جھنڈیاں بائیسکل ، موٹرسائیکلز اور کاروں پر لہرائی جاتی ہیں تو یہ بھی بعض اوقات الٹی ٹانکی جاتی ہیں۔ سرکاری محکمہ جات ، محکمہ تعلیم کو سختی سے نوٹیفکیشن جاری کیا جائے کہ قومی پرچم کو ہمیشہ سیدھا لہرایا جائے اس کے آداب سے قوم کو آگاہ کیا جائے۔ دراصل بات یہ ہے کہ ہم قوم بننے کی بجائے صرف ہجوم بن کر رہ گئے ہیں۔ قیام پاکستان کے وقت قوم تھی تو ملک بن گیا۔ آج ملک کو مؤثر نظریاتی قیادت میسر نہیں۔ کاش ہم آج پھر ایک متحد منظم نظریاتی قوم بن سکیں اور ملک کو ایک نظریاتی قیادت مل جائے تو ملک عزیز ترقی کی بلندیوں کوچھو جائے۔(محمد یوسف حضوری ،حافظ آباد)