مصنوعی ذہانت انٹرنیٹ پر دھوکا دہی میں اضافہ کر رہی ہے، ماہرین

یہ نقلی آواز اصل سے اتنی قریب ہوتی ہے کے اکثریت اس جھانسے میں آ کر اپنے پیسے گنوا بیٹھتی ہے،رپورٹ
راولپنڈی (نیوز ڈیسک ) ماہرین نے خبردار کیا ہے کہ مصنوعی ذہانت کی ٹیکنالوجی جعلی آواز کے سبب ہونے والی دھوکا دہی کے واقعات میں اضافے کا سبب بن رہی ہے۔میڈیارپورٹس کے مطابق جعلساز مصنوعی ذہانت کی مدد سے اپنے شکار کی سوشل میڈیا پروفائل سے آواز چرا کر صرف تین سیکنڈ کے ٹکڑے سے دھوکے کے لیے اس کی نقل بنا سکتے ہیں۔اس نقلی آواز کو استعمال کرتے ہوئے جعلساز اپنے شکار کے دوست یا کسی رشتے دار کو فون کرتے ہیں اور یہ باور کراتے ہیں کہ وہ کسی مشکل میں ہیں اور فوری پیسوں کی ضرورت ہے۔سائبر سیکورٹی اسپیشلسٹ میکافی کے مطابق برطانیہ میں ہر چار میں سے ایک شخص خود یا اس کا کوئی جاننے والا اس قسم کی جعلسازی کا شکار بن چکا ہے۔یہ نقلی آواز اصل سے اتنی قریب ہوتی ہے کے اکثریت اس جھانسے میں آ کر اپنے پیسے گنوا بیٹھتی ہے۔رپورٹ کے مطابق مصنوعی ذہانت نے سائبر مجرمان کے لیے کھیل بدل کر رکھ دیا ہے۔ جعلسازی کے لیے مطلوبہ سافٹ ویئر انٹرنیٹ پر باآسانی دستیاب ہیں۔

#Artificial_Intelligence #GenerativeAI #MachineLearning #Robot #Robotic #robotics #innovation #tech #technology #prompt #data #contentcreation #AIArtworks #business #marketing…