پا کستا ن اور ڈنما رک اگلے سال گر ین تر قیا تی سمجھو تے پر دستخط کر ینگے‘ روزین حولم لیس

اسلا م آبا د (خصوصی نا مہ نگار) پا کستان میں تعینا ت ڈنما رک کی سفیر روزین حولم لیس نے کہا ہے کہ پا کستا ن اور ڈنما رک ااگلے سال گر ین تر قیا تی سمجھو تے پر دستخط کر یں گے ۔ تفصیلا ت کے مطا بق روزین حولم لیس نے میڈیا سے گفتگو کرتے ہوئے کہا کہ ڈنمارک پاکستان میں صاف توانائی کی پیداوار بڑھانے کیلئے تعاون کررہا ہے اور دونوں ممالک اس سلسلے میں اگلے سال کے آغاز میں گرین ترقیاتی سمجھوتے پر دستخط کر یں گے ۔ انہو ں نے کہا کہ ڈنمارک کی کمپنیاں متبادل ذرائع سے بجلی پیدا کرنے کیلئے پاکستان کی تیکنیکی اور مالی مدد میں دلچسپی رکھتی ہیں جن میں ہوا اور شمسی توانائی شامل ہے تاکہ بجلی کی مجموعی پیداوار میں اس کا حصہ بڑھا کر کم از کم پچاس فیصد کیا جائے اور تیل اور کوئلے پر انحصار کم کیا جائے۔ڈنمارک کی سفیر نے ماحولیاتی تبدیلی سے نمٹنے کیلئے موجودہ حکومت کی طرف سے شروع کئے گئے پروگراموں کی تعریف کی اور زمینی ایندھن کی بجائے متبادل ذرائع سے بجلی کی پیداوار بڑھانے کی ضرورت پر زور دیا۔انہوں نے کہا کہ ڈنمارک ماحولیاتی تبدیلی کے منفی اثرات میں کمی کیلئے پاکستان کی مدد کرسکتا ہے اور دس ارب درختوں کا پروگرام اس مسئلے سے نمٹنے کیلئے ایک راست اقدام ہے۔ڈنمارک کی سفیر نے کہا کہ اگلی نسلوں کے لئے صاف توانائی کی جانب تبدیلی کی فوری ضرورت ہے اور تبدیلی کے اس عمل کو تیز کیا جانا چاہیے۔با ہمی تعلقات پر بات کرتے ہوئے انہوں نے کہا کہ پاکستان اور ڈنمارک کے درمیان گزشتہ سات دہائیوں سے بہترین تعلقات ہیں اور ان کے ملک میں مقیم پاکستانی برادری سے ڈنمارک کی ترقی میں بھرپور حصہ ڈالا ہے ۔ انہو ں نے کہا کہ دونوں ملکوں کے درمیان تجارتی حجم میں اضافہ ہورہا ہے اور امید ظاہر کی کہ تجارت سے دونوں ملکوں کے درمیان تعاون میں اضافہ ہوگا۔ انہوں نے کہا کہ ڈنمارک نیطالب علموں کے لئے وظائف کے کئی پروگرام پیش کئے ہیں۔