پاکستان اور نیوزی لینڈ کے درمیان تیسرا T20 آج کھیلا جائے گا

راولپنڈی ( نیوز ڈیسک ) پاکستان اور نیوزی لینڈ کے درمیان تیسرا ٹی ٹوئنٹی انٹرنیشنل آج قذافی اسٹیڈیم لاہور میں کھیلا جائے گا۔پانچ میچز کی سیریز میں پاکستان کو نیوزی لینڈ کے خلاف دو صفر کی برتری حاصل ہے۔اس سے قبل قومی ٹیم کے کپتان بابر اعظم نے سیریز کے دوسرے ٹی ٹوئنٹی میں سنچری اسکور کرکے ٹیم کی فتح میں اہم کردار ادا کیا تھا۔یہ بابر اعظم کی ٹی ٹوئنٹی انٹرنیشنل میں تیسری سنچری تھی۔پاکستانی وکٹ کیپر بیٹر محمد رضوان دوسرے ٹی 20 میں وکٹ کیپنگ کے دوران کمر کی تکلیف کی وجہ سے ان فٹ ہوکر باہر چلے گئے تھے۔کپتان بابر اعظم کا کہنا ہے کہ محمد رضوان پہلے سے بہتر محسوس کررہے ہیں، ہوسکتا انہیں آرام کروایا جائے اور بعد میں وہ ٹیم میں واپس آجائیں گے۔دوسری جانب مہمان ٹیم سیریز میں کم بیک کے لیے پُرعزم ہے۔