فیفا نے ورلڈ کپ 2022 کے بہترین گول کا اعلان کردیا

فیفا انٹرنیشنل فٹبال فیڈریشن نے قطر ورلڈ کپ 2022 میں کئے جانے والے گولز میں سے بہترین گول کا اعلان کر دیا ۔فیفا کی جانب سے برازیلین کھلاڑی رچرلیسن کے سربیا کے خلاف گول کو فیفا ورلڈ کپ قطر 2022 کا بہترین گول قرار دیا گیا ۔ فیفا کی آفیشل ویب سائٹ پر ووٹنگ کے بعد برازیلین فارورڈ رچرلیسن کو باضابطہ طور پر فاتح قراردیا گیا۔ برازیلین سٹرائیکر نے گروپ مرحلے میں سربیا کے خلاف شاندار گول کیا تھا ، رچر لیسن کے گول کو شائقین کی ووٹنگ میں پورے ایونٹ کا شاندار گول قرار دیا گیا ۔ اس طرح رچر نے بہترین گول کی دوڑ میں نیمار، ڈچ کودی گاکپو ، اینزو فرنانڈیز ، ونسنٹ ابوباکر ، رونالڈو اور لائنل میسی کو بھی شکست دی ۔