30 سال میں امراض قلب سے اموات 60 فیصد بڑھ گئیں
راولپنڈی (نیوز ڈیسک )ورلڈ ہارٹ فیڈریشن نے دل کے امراض سے اموات کی شرح میں ہوشربا اضافہ رپورٹ کردیا۔رپورٹ میں انکشاف کیا گیا کہ گزشتہ 30 برس میں دنیا بھر میں دل کے امراض سے اموات کی شرح 60 فیصد بڑھ گئی ہے۔ورلڈ ہارٹ فیڈریشن کی رپورٹ میں بتایا گیا کہ 1990ء میں دل کی بیماریوں سے 1 کروڑ 21 لاکھ اموات ہوئی تھیں۔رپورٹ میں مزید بتایا کہ 2021ء میں دنیا بھر میں 2 کروڑ 10 لاکھ اموات ریکارڈ کی گئی ہیں۔رپورٹ کے مطابق کم اور درمیانی فی کس آمدنی والے ممالک میں دل کی بیماریوں سے اموات میں زیادہ اضافہ ہوا ہے۔