بھارتی اداکارہ تونیشا شرما نے شو کے سیٹ پر خودکشی کرلی

بھارتی فلم اور ڈرامے کی 20 سالہ اداکارہ نے شو کے سیٹ پر خودکشی کرلی۔بھارتی میڈیا رپورٹ کے مطابق کئی بالی ووڈ فلموں میں مختصر مگر پراثر کردار نبھانے والی اداکارہ تونیشا شرما نے ایک ڈرامے کے سیٹ پر خودکشی کرلی۔بھارتی ریاست مہاراشٹرا کی پولیس نے تونیشا شرما کی موت کی تصدیق کی اور بتایا کہ انہوں نے بھارتی ڈرامے کے سیٹ پر خودکشی کی۔انہوں نے مزید کہا کہ اداکارہ نے سیٹ پر خود کو پھانسی لگا کر خودکشی کی، انہیں اسپتال لے جایا گیا، جہاں ڈاکٹروں نے انہیں مردہ قرار دیا۔تونیشا شرما نے ٹی وی شو بھارت کا ویر پترمہارانہ پرتاب سے اپنے اداکاری کے سفر کی شروعات کی۔اس کے بعد انہوں نے چکرورتن اشوکا سمراٹ، گبر پونچھ والا، شیر پنجاب، مہاراجا رنجیت سنگھ ، انٹرنیٹ والا لواور عشق سبحان اللہ میں اداکاری کے جوہر دکھائے۔اداکارہ کئی بھارتی فلموں میں مختصر کردار میں نظر آئیں، جن میں فتور، بار بار دیکھو، کہانی 2 اور سلمان خان کی دبنگ 3 شامل ہیں۔