اوپن مارکیٹ میں ڈالر 225 روپے50 پیسے جبکہ انٹربینک میں221 روپے کا ہوگیا

ایشیائی ترقیاتی بینک سے ڈیڑھ ارب ڈالر ملنے کے باوجود کرنسی مارکیٹس میں ڈالر مہنگا ہوگیا۔ گزشتہ روز ایشیائی ترقیاتی بینک نے پاکستان کو ڈیڑھ ارب ڈالر جاری کئے تھے، تاہم ڈیڑھ ارب ڈالر ملنے کے باوجود بھی آج اوپن اور انٹربینک مارکیٹ میں ڈالر مزید مہنگا ہوگیا۔ اوپن مارکیٹ میں ڈالر 50 پیسے مہنگا ہوکر 225 روپے 50 پیسے کا ہو گیا ہے، جب کہ انٹربینک میں بھی ڈالر 32 پیسے مہنگا ہو کر 221 روپے کا ہو گیا۔