غیرملکی امداد کے بغیر افغانستان کا پہلا بجٹ تیار کر لیا: طالبان

کابل (نیٹ نیوز) طالبان  نے دعویٰ کیا ہے کہ انہوں نے بغیر کسی غیر ملکی امداد کے  مالی سال 2022 کا قومی  بجٹ  تیار کرلیا ہے۔ افغان وزارت خزانہ کا دعویٰ ہے کہ انہوں نے قومی بجٹ 2022 کا مسودہ دو دہائیوں میں پہلی بار غیر ملکی امداد کے بغیر  تیار کرلیا ہے۔ اے ایف پی کے مطابق افغان وزارت خزانہ کے ترجمان احمد ولی حقمل نے بجٹ کا حجم نہیں بتایا لیکن ان کا کہنا تھا کہ بجٹ کا  یہ مسودہ شائع ہونے سے پہلے منظوری کے لیے کابینہ کے پاس جائے گا۔ خبر رساں ایجنسی کے مطابق ترجمان افغان وزارت خزانہ کا کہنا تھا کہ  ہم اس بجٹ کو  اپنی ملکی آمدنی سے تیار کرنے کی کوشش کر رہے ہیں اور ہمیں یقین ہے کہ ہم کر سکتے ہیں۔