یوکرین اور یورپی یونین کی رکنیت

یورپی یونین کے سر کردہ رہنماؤں نے یوکرین کی بلاک کی رکنیت کے لیے امیدوار کے طور پر قبول کیے جانے کی آوازوں کا خیرمقدم کیا ہے جو کہ روس کے حملے کے خلاف یوکرین کی جنگ میں حمایت کی ایک طاقتور علامت ہے۔
فرانسیسی صدر ایمانوئل میکرون، جرمنی کے چانسلر اولاف شولز اور اطالوی وزیر اعظم ماریو ڈریگی اور رومانیا کے صدر کلاؤس یوہانس نے اپنے یوکرینی ہم منصب ولودیمیر زیلنسکی سے ملاقات کے بعد ایک مشترکہ پریس کانفرنس میں کہا کہ ہم چاروں ہی اٹلی کی یوکرین کو یورپی یونین میں شامل کرنے کی خواھش کی تائید کرتے ہیں-اور الحاق کے لیے یوکرین کی فوری امیدوار کی حیثیت کی حمایت کرتے ہیں-
جرمنی کے چانسلر اولاف شولز نے کہا کہ ’یوکرین، یورپی فیملی سے تعلق رکھتا ہے‘، انہوں نے اس عزم کا اظہار کیا کہ ہم ہتھیاروں کی فراہمی میں یوکرین کی حمایت کر رہے ہیں اور جب تک ضرورت ہوگی ہم ایسا کرتے رہیں گے۔
ولودیمیر زیلنسکی نے وعدہ کیا کہ یوکرین مکمل طور پر یورپی یونین کا رکن بننے کے لیے تیار ہے اور یوکرین کے باشندے پہلے ہی خود کو امیدوار کی حیثیت کے قابل ثابت کر چکے ہیں۔اور مزید کہا کہ ھمیں توقع ھے کہ ھماری بھاری ہتھیاروں، جدید آرٹلری، طیارہ شکن دفاعی نظام کی فراہمی کی یقینی بنایا جائے گا۔
فرانس کے صدر ایمانوئل میکرون نے کہا کہ فرانس یوکرین کے مشرقی محاذ پر پہلے سے نصب 12 سیزر سیلف پروپیلڈ ہاؤٹزر (خودکار توپوں) بڑھا کر ۱۸ کیا جا رھا ھے